Mikronesien (Republik)

De födereerten Staaten vun Mikronesien sünd en Inselstaat in den westlichen Deel vun den Pazifik. De Staat geiht över den gröttsten Deel vun de Inselgrupp vun de Karolinen hen un sett sik tohopen ut de Staten vun Chuuk, Kosrae un Potinpei, de tosamen de Oostkarolinen utmaakt, un de Staat vun Yap, de tohopen mit den unafhängigen Staat vun Palau de Westkarolinen utmaakt. De Republik Mikronesien draff nich verwesselt weern mit den Inselbulten vun Mikronesien. In de Republik wahnt alltohopen 110.218 Inwahners (Okt. 2006) up 702 km² Land. Dat sünd 154 Inwahners/km². Unafhängig wurrn is de Republik vun Mikronesien an’n 3. November 1986. Staatsform is en Bundsrepublik. Hööft vun den Staat is de Präsident Joseph J. Urumal. De Hööftstadt is Palikir. De Amtsspraak is Engelsch.