Russland

----Russland (russ'sch Россия "Rossija"; egentlich 'Russ'sche Föderatschoon (russ'sch Российская Федерация "Rossijskaja Federazija",     Utspraak ^D) is dat gröttste Land vun de Eer un en Republiek, de in den Oosten vun Europa un den Noorden vun Asien liggt („Sibirien“). In Russland leevt up 17.075.400 km² üm un bi 142.400.000 Inwahners ( Juli 2006). Dat sünd 8,3 Inwahners up een km². Navers sünd Finnland, Eestland, Lettland, Wittrussland, de Ukraine, Georgien, Aserbaidschan, Kasachstan, de Mongolei, China, Japan, bi de Exklaav „Kaliningrader Oblast“ (dat fröhere Königsbarg) an de Oostsee ok Litauen un Polen, över de Beringstraat ok de USA. De Hööftstadt is Moskau.

Spraken

Amtsspraken sünd Russ'sch un de Spraken vun de Minnerheiten, t.B. Tatarsch, Baschkirsch oder de Spraak vun de Tschuktschen in Sibirien.

Geografie

In Russland sünd all klimatsche Zonen to finnen - mit Utnahm vun de Tropen. Sibirien is bekannt för dat extreme Winterklima. Bi Oimjakon in Ostsibirien hebbt se 1983 -72,2 °C op dat Thermometer kregen.

Staat

De Verfaten is demokraatsch siet 1992. Präsident is Wladimir Putin. Russland hett bannig vele Minnerheiten, de - as de Tschetschenen - ok Unafhängigkeitsbestreven hebbt.

Indelen

Russland is siet 200 in söven Föderatschoonskreise indeelt.

Artikel 65 vun de Verfaten vun Russland leggt de 86 Delen fast, ut de de Russ’sche Föderatschoon besteiht: 21 Republiken, 7 Regionen (Kraj), 49 Rebeden (Oblast), 2 Bundsstäder (Moskau un Sankt Petersborg), 1 Autonom Rebeet un 7 Autonome Kreise.

De Föderatschoonskreise: 1. Zentralrussland, 2. Süüdrussland, 3. Noordwestrussland, 4. Feernoost, 5. Sibirien, 6. Ural, 7. Wolga

    Republiek     Region     Rebeet     Stadt     autonom Rebeet     autonom Kreis

All Rebeden

Weertschap

De eerste Tied na de Perestrojka is präägt wesen dör groote wertschopliche Problemen. Siet de Amtstied vun Wladimir Putin (2000) hett sik dat Land stabiliseert. De wichtigsten Exportgöder sünd Ööl un Gas, wat in Sibirien funnen warrt. Dat Rüchgraat in verkehrstechnische Hensicht is de Transsibirische Iesenbahn, de dat Land vun Moskau to Wladiwostok an'n Pazifik dörlöppt.

Städer

• Moskau (10,1 Million Inwahners)
• Sankt Petersborg (4,58 Mio.)
• Nowosibirsk (1,42 Mio.)
• Nischni Nowgorod (1,35 Mio.)
• Jekaterinborg (1,26 Mio.)
• Samara (1,16 Mio.)
• Omsk (1,15 Mio.)
• Kasan (1,11 Mio.)
• Tscheljabinsk (1,07 Mio.)
• Ufa (1,04 Mio.)
• Krasnodar
• Pskow
• Togliatti
• Wladiwostok
• Murmansk